Planak eta protokoloak
Berdintasuna eta aniztasuna sustatzea, eta indarkeria matxistak prebenitzea.
Tresnak
beharrizanetara egokituak
Tresna bakoitza administrazioaren, erakundearen edo lurraldearen errealitatera egokitzen da, haren testuingurua, baliabideak eta beharrak kontuan hartuta.
Prozesu osoan laguntzen dugu, hasierako diagnostikotik eta azterketatik diseinura, baliozkotze teknikora eta ezarpenera arte, dokumentu erabilgarriak, argiak eta aplikagarriak sortuz.
Planak
Planek politika publikoak planifikatzeko, sustatzeko eta ebaluatzeko aukera ematen dute, epe ertain eta luzera erakundearen jarduna orientatzen duten helburu, neurri eta adierazleen bidez.
Besteak beste, honako hauek garatzen ditugu:
- Herritarrei zuzendutako berdintasun-planak.
- LGTBIQA+ planak.
- Kontziliazio- eta erantzunkidetasun-planak.
- Administrazio publikoentzako barne-berdintasun planak.
Protokoloak
Protokoloek irizpide komunak ezartzen dituzte indarkeria-, diskriminazio- edo eskubide-urraketa egoerak prebenitzeko, hautemateko eta modu koordinatuan jarduteko, esku-hartze argia, segurua eta eraginkorra bermatuz.
Besteak beste, honako hauek egiten ditugu:
- Indarkeria matxistaren aurrean koordinatzeko protokoloak.
- Feminizidioen aurrean jarduteko eta dolu instituzionalerako protokoloak.
- Espazio publikoan sexu-jazarpena prebenitzeko eta horren aurrean jarduteko protokoloak.
- LGTBI-fobiagatiko jazarpena eta diskriminazioa prebenitzeko protokoloak.
- Arraza-bereizkeria eta jatorri, etnia edo erlijioagatiko bestelako diskriminazio-moduak prebenitzeko eta horien aurrean jarduteko protokoloak.
- Kontziliazioaren eta erantzunkidetasunaren arloko jardunbide egokien protokoloak.
Ezarpena,
laguntza eta prestakuntza
Plan edo protokolo bat egitea lehen urratsa baino ez da. Tresna horiek benetan eraginkorrak izan daitezen, funtsezkoa da haien ezarpenean laguntzea, aplikazioa erraztea eta inplikatutako pertsonek edukia ezagutzen dutela eta beren eginkizunak betetzean nola jardun behar duten badakitela bermatzea.
Horregatik, planak eta protokoloak diseinatzeaz gain, ezarpen-zerbitzu integrala eskaintzen dugu. Zerbitzu horrek aholkularitza teknikoa, jarraipena eta haien garapenean, aplikazioan eta ebaluazioan parte hartzen duten arduradun politikoei, langile teknikoei eta gainerako profesionalei zuzendutako prestakuntza espezializatua barne hartzen ditu.
Prestakuntza-ekintzak aurrez aurre, online edo modalitate hibridoan eman daitezke, administrazio bakoitzaren beharretara egokituta.
Haien helburua taldeei planak eta protokoloak modu zorrotz, koordinatu eta eraginkorrean aplikatzeko behar dituzten ezagutzak eta tresnak ematea da, administrazio publikoaren eguneroko funtzionamenduan txertatzea erraztuz.
Arduradun politikoak eta/edo langile teknikoak prestatu behar dituzu?
Esaguzu zer behar duzun, eta proposamen zehatza bidaliko dizugu.
edo bidali mezu elektroniko bat info@ekua.es helbidera
Hitz egingo dugu?
Azaldu zer behar duzun eta konpromisorik gabeko proposamen xehatua bidaliko dizugu, ahalik eta lasterren.